Khua bruă kƀĭn ala Vương Đình Huệ leh anăn aduôn Megawati bi tŭ ư hlăm wưng kơ anăp, dŭm anôk bruă djŏ tuôm mơ̆ng Việt Nam leh anăn Indonesia srăng čŏng pô mâo dŭm hdră êlan tŭ dưn leh anăn klă klơ̆ng kñăm mđĭ hĭn klei mjĕ giăm leh anăn bi mguôp plah wah 2 ala čar hlăm djăp mta bruă, dŭm mbah, dŭm gưl, boh nik hlăm mbah bruă Đảng kyua anei jing tur knơ̆ng phŭn čiăng kơ 2 ala čar lŏ dơ̆ng mđĭ kyar klei bi hgŭm, bi mguôp leh anăn ƀĭng hgŭm hdră êlan.

Dua tĭng tŭ ư mtrŭt mđĭ klei bi mguôp plah wah dŭm anôk bruă ksiêm duah, hlăk mblang mơ̆ng 2 lăn čar, boh nik jing anôk bruă hlăk mblang klei mĭn Pancasila leh anăn Anôk bruă ksiêm duah leh anăn mkŏ mjing lăn čar Indonesia mơ̆ng aduôn Megawati jing khua gĭt gai hong Êpul gơ̆ng klei hlăk mblang gưl dlông, anôk bruă ksiêm duah klei kreh knhâo yang ƀuôn Việt Nam, anôk bruă kreh knhâo leh anăn mâo mrang. Ƀri wưng anei, Khua bruă kƀĭn ala Vương Đình Huệ mơĭt klei blŭ mơ̆ng Khua gĭt gai Đảng Nguyễn Phú Trọng leh anăn phung khua êmua gưl dlông Việt Nam iêo jak aduôn Megawati hriê čuă Việt Nam. Aduôn Megawati hơ̆k mơak kyua klei iêo jak leh anăn bi klă srăng hnưm hriê čuă Việt Nam.