Mñă Ơrôp jing ƀĭng hgŭm yuôm bhăn hŏng Việt Nam, Khua bruă kƀĭn ala čang hmăng kơ phung khua bi ala ti dŭm lăn čar lŏ dơ̆ng ngă jăk bruă pô, hlue djŏ hŏng hdră mtrŭn klei bi kƀĭn prŏng Đảng 13, lehanăn boh mơ̆ng klei bi kƀĭn bruă hŏng ala tač êngao, lehanăn dŭm hră mơar mkăn djŏ tuôm hlăm bruă hŏng ala tač êngao.

Bruă kđi čar hŏng ala tač êngao, čiăng bi mâo atur kjăp kơ klei thâo bi mguôp hng ala tač êngao, kñăm thâo bi mjĕ êrô hlăm djăp gưl bruă. Khua bruă kƀĭn ala čang hmăng kơ phung khua bi ala knŭk kna pô ti ala tač êngao lŏ ngă jăk hĭn bruă pô kñăm truh kơ klei bi leh klei kuôl kă bruă đru răng mgang klei duh bi liê Việt Nam - EU kñăm mâo djăp klei găl hlăm klei duh bi liê, ba wĭt klei tŭ dưn kơ dua nah./.