Khua bruă kbĭn ala Vương Đình Huệ mñă klă, Việt Nam čang hmăng dua tĭng mđĭ klei mnia blei kjăp, mjing klei găl blei lu mnơ̆ng dhơ̆ng lŏ hma Việt Nam kơ Australia leh anăn mklăk wĭt. Khua bruă kbĭn ala mtă kơ Pô mâo ênŭm klei dưi Australia mđing, mđĭ ktang klei bi hgŭm hlăm klei mnuih mă bruă, boh nik pŏk mlar klei bi hgŭm kơ hdră mnêč lŏ hma leh anăn mnuih mă bruă jih gưl, mđĭ klei bi hgŭm plah wah dŭm alŭ wăl dua ala čar.

Khua bruă kbĭn ala Vương Đình Huệ bi mni kơ Australia nao ai hŏng Việt Nam mgơ̆ng hlăm Êpul hgŭm klei dưi kơ anak mnuih hlăm Êpul hgŭm lu ala čar wưng 2023-2025, hrăm mbĭt kah mbha lu klei mĭn msĕ hlăm klei bi kƀĭn ti krĭng wăl leh anăn lu ala čar. David Hurley lač anei jing dŭm bruă yuôm bhăn, ba klei tŭ dưn kơ jih dua tĭng, kyua anăn, brei mđing kơ dŭm bruă anei, tui hriăm klei thâo mơ̆ng bruă leh êgao, mă anăn jing tur mđĭ klei bi hgŭm dua nah hlăm wưng kơ anăp./.