Hlăm jar nao čhưn ti Indonesia, tlam 07/8, Khua bruă kƀĭn ala Vương Đình Huệ mâo leh klei bi tuôm hŏng Khua mil čhil Indonesia Joko Widodo.

Khua bruă kƀĭn ala Vương Đình Huệ bi mklă Việt Nam dlăng myuôm snăk klei bi hgŭm yuôm bhăn hŏng Indonesia; hưn hŏng Khua mil čhil Widodo boh tŭ gưl nao čhưn klă sĭt ti Indonesia leh anăn nao hlăm Klei bi kƀĭn Êpul gơ̆ng AIPA-44, brei thâo Bruă kƀĭn ala dua ala čar bi siñê leh Klei kuôl kă bi hgŭm čiăng mđĭ hĭn klei bi hgŭm dua bruă kƀĭn ala, đru klă sĭt mđĭ klei bi hgŭm plah wah dua ala čar, čang hmăng mđĭ klei bi hgŭm dua ala čar ti hnơ̆ng mrâo. Khua mil čhil Indonesia bi tŭ ư hŏng Khua bruă kƀĭn ala kơ bruă dua tĭng mđĭ lar dŭm hdră mkăp dôk mâo, mđĭ klei bi hgŭm hlăm bruă êa ksĭ, kan hdang leh anăn bruă mrâo msĕ si mlih mrô, êa pui êwa čuh mtăp mđơr./.