Hŏng akŏ “Bruă klam mơ̆ng phung mda asei hlăm bruă mđĭ hlue ngă dŭm Hdră kñăm mđĭ kyar kjăp mơ̆ng hdră mlih mrô leh anăn mlih mrâo mbruă” leh anăn  dŭm klei bi trông, Khua bruă kƀĭn ala Vương Đình Huệ mtă, phung bi ala nao hlăm Klei bi kƀĭn bi trông kơ dŭm boh phŭn msĕ si ya klei brei ngă leh anăn si ngă čiăng hlue ngă leh anăn rơ̆ng hdră bhiăn lu ala čar, Hdră bhiăn phŭn êpul hgŭm lu ala čar, jing klei găl phŭn, čiăng răng kriê leh anăn ksŭl mbŭ klei êđăp ênang, bi hgŭm leh anăn mđĭ kyar kjăp.

Khua bruă kƀĭn ala Vương Đình Huệ akâo kơ IPU (Êpul hgŭm bruă kƀĭn ala dlông rŏng lăn) ksiêm hriăm mkŏ mjing klei bi mguôp phung ngă bruă kƀĭn ala kluôm rŏng lăn kơ klei mlih mrâo mbruă čiăng hrăm mbĭt bi trông leh anăn bi tui hriăm.