Tŭ drông Khua bruă kƀĭn ala Vương Đình Huệ leh anăn êpul bi ala gưl dlông Việt Nam ti tač êdeh phiơr, mâo Pô bi ala Việt Nam ti Indonesia mbĭt hŏng phung bi ala êpul êya mnuih Việt Nam ti Jakarta. Leh knăm tŭ drông, Khua bruă kƀĭn ala Vương Đình Huệ mâo klei blŭ hrăm hŏng Khua bruă kƀĭn ala nah gŭ Indonesia, aduôn Poan Maharani. Khua bruă kƀĭn ala nah gŭ Indonesia yap yuôm bhăn gưl nao čuă mơ̆ng Khua bruă kƀĭn ala Vương Đình Huệ leh anăng jing gưl nao čuă tal êlâo mơ̆ng Khua bruă kƀĭn ala Việt Nam leh 13 thŭn.

Dua čô khua gĭt gai tŭ ư kơ dŭm hdră êlan čiăng lŏ mtrŭt mđĭ klei mjĕ giăm dua tĭng hlăm wưng kơ anăp, lŏ dơ̆ng mtrŭt mđĭ klei bi trông êpul, bi tuôm gưl dlông leh anăn dŭm gưl hlăm mbah Đảng, knŭk kna, bi mguôp bruă kƀĭn ala, klei mjĕ giăm bi mguôp plah wah dŭm alŭ wăl leh anăn mjĕ êrô mnuih ƀuôn sang, klă klơ̆ng bi hdơr 10 bi mguôp hdră êlan leh anăn mđing truh bi hdơr 70 thŭn klei mjĕ giăm dua tĭng ti thŭn 2025.