Hlăm klei blŭ hrăm, Dua čô khua gĭt gai bi trông leh anăn bi tŭ ư kơ dŭm hdră êlan mtrŭt mđĭ klei bi mguôp 2 tĭng hlăm wưng kơ anăp čiăng năng hŏng klei găl mơ̆ng dua lăn čar. Dua čô khua gĭt gai tŭ ư mđĭ hĭn klei bi trông dŭm gưl, dŭm mbah knăm mđĭ klei đăo knang bruă kđi čar, jing tur knơ̆ng mđĭ hĭn klei mjĕ giăm lu mta bruă plah wah Việt Nam leh anăn Iran.

Hlăm bruă duh mkra, Khua bruă kƀĭn ala mñă kơ 2 tĭng mkŏ mjing klei găl kơ dŭm mta mnơ̆ng dhơ̆ng hdơ̆ng pô, boh nik jing boh mnga bruă lŏ hma, kan hdang, bi ba čhĭ hlăm anôk mnia mblei grăp ala čar, mtrŭt mđĭ bruă mnia mblei, duh bi liê, mkŏ dŭm knơ̆ng bruă, alŭ wăl 2 ala čar, mtrŭt mđĭ klei bi mguôp bruă mtô mjuăt bi hriăm, kreh knhâo mrâo mrang, dhar kreh kdŏ mmuñ.