Khua bruă kƀĭn ala Vương Đình Huệ bi êdah leh klei mơak bi tuôm hŏng phung khua kiă kriê êpul hgŭm mbĭt Iran - Việt Nam lehanăn khua êpul hgŭm Seyed Kamal Sajjadi, pô tuôm jing leh khua bi ala knŭk kna Iran ti Việt Nam, sĭt suôr hŏng Việt Nam lehanăn ăt jing khua êpul hgŭm Iran - Việt Nam tal êlâo. Khua bruă kƀĭn ala mñă Việt Nam bi myuôm lehanăn mâo klei čiăng lŏ hyuă kjăp hĭn klei bi hgŭm hlăm djăp mta hŏng Iran.

Klei êpul nao čhưn tal anei đru lŏ hyuă kjăp hĭn klei bi mguôp dua lăn čar, hlăm bruă mơ̆ng Đảng, bruă kƀĭn ala, lehanăn knŭk kna lehanăn alŭ wăl, boh nik hlăm klei bi mguôp mnuih ƀuôn sang. Khua bruă kƀĭn ala čang hmăng klei bi hgŭm Iran- Việt Nam srăng lŏ nao hlăm lu hdră hĭn msĕ si klei bi mguôp mnuih ƀuôn sang, đru mđĭ hĭn klei bi mguôp dua nah./.