Khua bruă kƀĭn ala Vương Đình Huệ mñă, Việt Nam lehanăn Algeria jing 2 jing dua ala čar bi mguôp leh mơ̆ng đưm. Việt Nam tui tiŏ hdră êlan hnŭk êngiê, čŏng pô tui duah klei êđăp ênang hgŭm mbĭt lehanăn mđĭ kyar. Ti anôk bi tuôm, dua čô khua kiă kriê bi lač, khădah dua ala čar jing kbưi, ƀiădah mâo klei bi mguôp jăk snăk.

Hlăm wưng tinăp lŏ hyuă kjăp hĭn klei hgŭm duh mkra mnia mblei. K’iăng khua bruă kƀĭn ala Algeria lač Algeria srăng mjing kdrông đru kơ Việt Nam mâo êlan mjĕ mgiăm hŏng Afrĭk. Khua bruă kƀĭn ala Vương Đình Huệ lač, Việt Nam srăng mjing kdrông pioh kơ Algeria mâo mjĕ mgiăm hŏng ASEAN. K’iăng khua bruă kƀĭn ala Algeria Monder Bouden bi mni kơ klei bi trông jing: “Klei lŏ mđĭ hĭn ai thâo kơ bruă hlăm êpul êdam êra” knăm pŏk klei bi kƀĭn, klei bi kƀĭn phung ngă bruă kƀĭn ala mda asei tal 9 tar rŏng lăn mâo đru leh êdi hŏng bruă anei./.