Tinei, Khua bruă kƀĭn ala drông čhưn leh Khua kiă kriê ƀuôn prŏng Burgas Dimitar Nikolov leh anăn k’iăng khua kiă kriê, khua gĭt gai dŭm anôk bruă hlăm ƀuôn prŏng. Khua bruă kƀĭn ala mñă klă, hlăm êbeh 73 thŭn êgao, Việt Nam mpŭ nanao kơ klei sa ai, klei đru mơ̆ng Bulgaria, hlăm anăn mâo ƀuôn prŏng Burgas kơ Việt Nam.

Hlăm gưl nao čuă anei, ti dŭm klei blŭ hrăm hŏng Khua bruă kƀĭn ala, Khua mil čhil leh anăn knŭk kna, mbĭt hŏng dŭm klei bi tuôm mkăn, dua tĭng tŭ ư mđĭ hĭn klei mjĕ giăm, hlăm djăp mbha hla pŏk Đảng, knŭk kna, Bruă kƀĭn ala, mjĕ êrô mnuih ƀuôn sang hŏng mnuih ƀuôn sang, alŭ wăl hŏng alŭ wăl. Khua bruă kƀĭn ala hưn leh hŏng khua kiă kriê ƀuôn prŏng Burgar kơ čar Quảng Ninh ară anei, anei jing sa hlăm dŭm alŭ wăl đĭ kyar pral hĭn ti Việt Nam, brei thâo, leh gưl nao čuă anei srăng gĭt gai čar Quảng Ninh hnưm mkŏ wĭt dŭm mta bruă dua tĭng, mbĭt anăn mñă kơ khua kiă kriê ƀuôn prŏng leh anăn phung hgŭm hriê čuă Việt Nam, čuă čar Quảng Ninh kñăm mtrŭt mđĭ klei mjĕ giăm plah wah 2 alŭ wăl, boh nik hlăm bruă hiu čhưn ênguê.