Tlam 7/3, ti sang bruă kƀĭn ala, Khua bruă kƀĭn ala Vương Đình Huệ drông Khua bi ala Êpul hgŭm dŭm êpul bruă duh mkra Japon (Keidanren) dôk čhưn, mă bruă ti Việt Nam leh anăn nao hlăm klei bi trông bruă duh mkra gưl dlông Việt Nam - Japon ƀri bi hdơr 50 thŭn mkŏ mjing klei bi hgŭm Việt Nam - Japon (21/9/1973-21/9/2023). 

Blŭ hrăm hlăm mmông drông, Khua bruă kƀĭn ala Vương Đình Huệ brei thâo, hlăm wưng kơ anăp, Bruă kƀĭn ala Việt Nam srăng bi mklă dŭm hdră bhiăn yuôm bhăn snăk, msĕ si hră čih Hdră bhiăn lăn ala lŏ mlih mrâo, Hdră bhiăn mnia blei lăn ala (lŏ mlih mrâo), Hdră bhiăn lŏ mlih mrâo mbŏ dŭm mta hdră bhiăn dŭm êpul brei čan prăk, Hdră bhiăn mđĭ kyar tuh tia mkra mjing. Khua bruă kƀĭn ala mtă, Keidanrren mbĭt hŏng dŭm anôk bruă duh mkra Japon mđing leh anăn đru mguôp klei blŭ čiăng bruă kƀĭn ala Việt Nam bi leh dŭm hră čih hdră bhiăn yuôm bhăn anei. Pô bi ala Keidanren ƀuăn rơ̆ng mbĭt hŏng dŭm anôk bruă duh mkra Japon gĭr ktưn jih ai tiê pô đru mguôp kơ klei đĭ kyar mơ̆ng jih Việt Nam leh anăn Japon hlăm wưng kơ anăp, đru mguôp hŏng Knŭk kna Việt Nam hlue ngă hdră kñăm kčah leh./.