Khua bruă kƀĭn ala Vương Đình Huệ bi mni kơ klei tŭ ngă bruă duh mkra mơ̆ng dŭm Knơ̆ng bruă Samsung ti Việt Nam. Čang hmăng Samsung lŏ dơ̆ng duh bi liê sui, mđĭ kyar ti Việt Nam, Khua bruă kƀĭn ala bi mklă, Bruă kƀĭn ala Việt Nam, knŭk kna Việt Nam mđing dlăng mkra mđĭ wăl duh bi liê mnia blei, mđĭ klei bi ktưn, mjing djăp klei găl kơ phung duh bi liê ngă bruă sui thŭn leh anăn găl ênưih ti Việt Nam.

Park Hark Kyu mñă klă, Samsung dưi duh bi liê sui leh anăn lŏ dơ̆ng mâo lu klei tŭ dưn ti Việt Nam, anei jing klei đru, mjing klei găl mơ̆ng Bruă kƀĭn ala, Knŭk kna Việt Nam mkŏ mjing leh wăl duh bi liê jăk kơ dŭm anôk bruă duh mkra. Hlăm wưng kơ anăp, anôk bruă srăng gĭr jih ai tiê jing anôk bruă duh bi liê prŏng leh anăn sui ti Việt Nam./.