Khua bruă kƀĭn ala Vương Đình Huệ lač, dŭm hdră êlan hŏng ala tač êngao mơ̆ng Việt Nam mđing hĭn hlăm klei bi mguôp hŏng ala čar Japon, čang hmăng dua nah lŏ dơ̆ng mâo klei bi mjĕ êrô lu hĭn mơ̆ng bruă Đảng, knŭk kna, bruă kƀĭn ala, lehanăn klei bi mguôp hlăm mnuih ƀuôn sang, hgŭm duh mkra mnia mblei.

Dua khua gĭt gai bi lač, dua nah năng lŏ hyuă kjăp hĭn klei bi mguôp hlăm djăp mta. Lehanăn lŏ mñă klei bi hgŭm dua ala čar tui tiŏ hdră êlan êđăp ênang, hơĭt kjăp bi đru, mghaih msir djăp mta klei amâo mâo thâo bi djŏ hlăm êa ksĭ Ngŏ hŏng hdră êlan êđăp ênang, djŏ hŏng klei bhiăn tar rŏng lăn, lehanăn klei bhiăn êa ksĭ 1982.