Klei kƀĭn trông phung khua êmua mda asei tar rŏng lăn gưl tal 9 ti Hà Nội srăng mkŏ mjing mơ̆ng hruê 14 – 18/9/2023 hŏng akŏ “Bruă klam mơ̆ng phung mda asei hlăm bruă mtrŭt mđĭ hluê ngă dŭm mta kñăm đĭ kyar kjăp hŏng klei mlih mrô leh anăn mlih mrâo hŏng klei mbruă”.

Truh kơ ară anei, mâo leh 64 êpul bi klă nao hgŭm hlăm klei kƀĭn trông, hŏng 244 čô. Anei jing bruă hŏng tač êngao lu tĭng mơ̆ng Bruă kƀĭn ala Việt Nam jing ala čar mkŏ mjing hlăm thŭn anei. Khua bruă kƀĭn ala Vương Đình Huệ mñă kơ dŭm êpul bruă, Êpul mkŏ mjing ksiêm dlăng, mđing mhư̆ dŭm klei blŭ mguôp hlăm klei kƀĭn, bi kluôm bruă mprăp, bi leh dŭm hdră mkăp mơ̆ng djăp mta bruă, grăp klei kƀĭn, ksiêm dlăng klă dŭm mta phŭn, čiăng mâo hdră êlan mkăp kơ găp boh klei. Bi kơ êpul mta phŭn, čiăng mâo klei mprăp klă nik, klah čŭn. Bruă răng mgang klei êđăp ênang, klei doh êbăt mnơ̆ng ƀơ̆ng ăt dưi mprăp jăk hluê si klei čuăn.