Khua bruă kƀĭn ala Vương Đình Huệ mpŭ myơr brui mngưi bi hdơr kơ klei  Khua bruă kƀĭn ala hđăp Nguyễn Hưũ Thọ đru mguôp prŏng prĭn hŏng bruă krŭ kdơ̆ng mơ̆ng Đảng, lăn čar leh anăn hŏng Bruă kƀĭn ala. Khua bruă kƀĭn ala Vương Đình Huệ mơĭt klei hơêč hmưi jăk siam hĭn kơ gŏ sang Khua bruă kƀĭn ala hđăp Nguyễn Hữu Thọ, čang hmăng gŏ sang lŏ dơ̆ng mđĭ lar knhuah gru, đru mguôp jăk kơ bruă mkŏ mjing leh anăn răng mgang čar kwar, gĭr hgŭm đru mguôp klei blŭ hlăm bruă mkŏ mjing hdră bhiăn mơ̆ng Bruă kƀĭn ala.

Ƀri gưl anei, gŏ sang Khua bruă kƀĭn ala hđăp Nguyễn Hữu Thọ mđup brei kơ Khua bruă kƀĭn ala Vương Đình Huệ dŭm hră čih kơ klei hdĭp leh anăn bruă krŭ kdơ̆ng mơ̆ng Khua bruă kƀĭn ala hđăp Nguyễn Hữu Thọ./.