Khua bruă kƀĭn ala Vương Đình Huệ mtă kơ jih jang knuă druh, lĭng kahan ti Anôk bruă kahan ksiêm čar lŏ dơ̆ng ba anăp, jing gru mngač, hluê ngă kjăp hdră mtrŭn Klei bi kƀĭn tal XIII mơ̆ng Đảng lehanăn dŭm hdră mtrŭn, klah klah čŭn mơ̆ng Đảng kơ bruă mkŏ mkra êpul kahan ksiêm. Khua bruă kƀĭn ala mtă, êpul kahan ksiêm čar Lào Cai brei mđĭ lar bruă klam phŭn hlăm hdră.

Jih jang mnuih ƀuôn sang răng mgang klei êđăp ênang ala čar; mtrŭt mđĭ hdră đru čung ba mnuih ƀuôn sang mguôp hŏng hdră răng mgang klei êđăp ênang ala ƀuôn; mđĭ lar hĭn hdră đru kơ yang ƀuôn ti krĭng taih kbưi, krĭng knông lăn, krĭng dleh dlan hŏng ai tiê “Amâo lui hlei pô dôk ti tluôn”. Boh nik hlăm wưng Têt djuê ana anei rơ̆ng kơ jih jang mnuih ƀuôn sang dưi drông Têt êđăp ênang, sa yan mnga trei mđao lehanăn yâo m’ak./.