Gưl nao čuă ala čar Indonesia tal anei mơ̆ng Khua bruă kƀĭn ala Vương Đình Huệ srăng đru mtrŭt mđĭ klei bi mguôp hdră êlan plah wah Việt Nam – Indonesia ƀrư̆ hruê ƀrư̆ klă klơ̆ng leh anăn mtrŭt mđĭ klei mjĕ giăm 2 ala čar đĭ ti hnơ̆ng mrâo hlăm wưng kơ anăp. Ăt ti Indonesia, Khua bruă kƀĭn ala Vương Đình Huệ ba anăp êpul bi ala Việt Nam nao hlăm klei kƀĭn AIPA-44 kñăm bi klă bruă klam mơ̆ng Bruă kƀĭn ala Việt Nam, čŏng pô, hur har đru mguôp hlăm dŭm mta phŭn klei kƀĭn AIPA.

Hrăm mbĭt hŏng bruă kƀĭn ala hlăm AIPA bi kjăp klei bi mguôp leh anăn bruă klam jing mta kñăm mơ̆ng ASEAN, mtrŭt mđĭ klei bi mguôp plah wah IAPA hŏng dŭm ƀĭng hgŭm, đru hlăm bruă mkŏ mjing yang ƀuôn ASEAN, bi lar bruă klam, klei blŭ mơ̆ng AIPA hŏng klei êđăp ênang, hơĭt kjăp leh anăn đĭ kyar.