Tui si klei hâo mdah mơ̆ng bruă Đảng čar Bình Thuận, thŭn 2022 lehanăn 3 mlan akŏ thŭn anei, klei duh mkra mnia mblei lŏ đĭ leh hŏng klei pral, bi knar sơăi hlăm 3 mta phŭn jing: Bruă tuh tia, bruă hiu čhưn ênguê lehanăn bruă lŏ hma. Klei đĭ kyar mnơ̆ng mâo truh 7,75%. Ba wĭt ngăn prăk kơ knŭk kna thŭn dih êbeh 2.350 êklai prăk.

Khua bruă kƀĭn ala hơêč hmưi čih pioh, lehanăn bi mni kơ dŭm klei gĭr, lehanăn jih jang klei tŭ dưn bruă Đảng lehanăn bruă sang čư̆ êa, lehanăn mnuih ƀuôn sang čar Bình Thuận mâo leh; lehanăn mtă hlăm wưng kơ anăp bruă Đảng čar Bình Thuận lŏ ksiêm wĭt ngă jih jang bruă tui si klei mtrŭn mơ̆ng klei bi kƀĭn prŏng Đảng kluôm ala tal 13, lehanăn klei bi kƀĭn prŏng bruă Đảng čar tal 14. Čar lŏ dơ̆ng ngă jăk bruă mkŏ mjing Đảng, mkŏ mjing bruă kđi čar, mđĭ ai phung knuă druh. Anei jing bruă phŭn ngă hŏng klei klă mngač tui hlue hŏng klei bi mguôp jih êpul./.