Khu bruă kƀĭn ala mtă kơ phŭnb bruă dhar kreh, mjuăt asẻi mlei lehanăn hiu čhưn ênguê hlue ngă bi kjăp jih asăp mtrŭn mơ̆ng khua gĭt gai Đảng mtă ti anôk bi kƀĭn dhar kreh kluôm ala mghaih msir jih djăp mta klei awăt êmưt kơ bruă knuă, kñăm bi djŏ hŏng hdră êlan mơ̆ng Đảng, mkŏ mjing klei bhiăn lehanăn jih jang klei ngă bruă kñăm mđĭ kyar dhar kreh, mjuăt mjing anak mnuih. Jih jang klei bhiăn Việt Nam brei bi djŏ hŏng dhar kreh, dưn yua jih ai dưi mơ̆ng knŭk kna, lehanăn yang ƀuôn, mơ̆ng ala čar hlŏng kơ ala tač êngao pioh mđĭ kyar dhar kreh.

Khua bruă kƀĭn ala kčĕ kơ phŭn bruă dhar kreh, mjuăt asei mlei lehanăn hiu čhưn ênguê kăp đru hŏng knŭk kna, hŏng bruă kƀĭn ala mghaih msir djăp mta jing bruă ktrŏ, kñăm bi sa hnơ̆ng klei bhiăn, bi mâo hdră êlan đru ruh mgaih jih klei dleh dlan, mđĭ kyar kluôm dhuôm jih jang knhuah gru jăk siam mơ̆ng djuê ana, lŏ dơ̆ng tui hriăm jih jang knhuah siam mơ̆ng anak mnuih. Lŏ dơ̆ng gĭt gai, kiă kriê ngă bi jăk jih jang bruă ala čar kñăm hlăm anăn mâo wăt bruă mkŏ mkra krĭng ƀuôn sang mrâo, bi hrŏ ƀun hŏng klei kjăp./.