Gưl nao čuă anei mơ̆ng Khua bruă kƀĭn ala Vương Đình Huệ kñăm hluê ngă hdră êlan hŏng tač êngao êngiê, čŏng pô, lu jơr, lu tĭng klei mjĕ giăm mơ̆ng Klei kƀĭn kluôm tal 13 mơ̆ng Đảng leh anăn hdră mtrŭn mơ̆ng Phŭn bruă kđi čar, mtrŭt mđĭ klei bi mguôp plah wah Bruă kƀĭn ala drei hŏng Bruă kƀĭn ala 2 ala čar, lŏ dơ̆ng mtrŭt mđĭ klei bi hgŭm Việt Nam - Bangladesh, bi klă klei dlăng yuôm bhăn mơ̆ng Việt Nam hŏng klei mjĕ giăm knhuah gru Việt Nam - Bulgaria.

Hŏng Bangladesh, gưl nao čuă bi klă klei ƀuăn mơ̆ng Bruă kƀĭn ala Việt Nam hlăm klei bi mguôp hŏng bruă Kƀĭn ala Bangladesh. Hŏng Bulgaria, gưl nao čuă kñăm bi kjăp leh anăn mđĭ hĭn klei mjĕ giăm knhuah gru leh anăn bi mguôp lu mta bruă plah wah Việt Nam leh anăn Bulgaria, klei bi mguôp bruă kƀĭn ala plah wah dua lăn čar.