Ñu mbĭt hŏng êpul mă bruă nao čuh leh brui mngưi ti knưng bi hdơr kơ Khua gĭt gai Đảng êlâo dih Nguyễn Văn Linh (Ti ƀuôn prŏng Hưng Yên, čar Hưng Yên). Khua gĭt gai Đảng êlâo dih Nguyễn Văn Linh jing hđeh sĭt suôr mơ̆ng khua gĭt gai Hồ Chí Minh, jing mnuih mâo ai tiê prŏng prĭn hlăm bruă cách mạng Việt Nam, jing khua gĭt gai Đảng tal êlâo nao hlăm klei mlih mrâo. ti să Quảng Lãng (kdriêk Ân Thi, čar Hưng Yên), Khua bruă kƀĭn ala mbĭt hŏng êpul ngă bruă nao ti anôk mphŭn rŭ mdơ̆ng alŭ wăl tuh tia mrô 5 čar Hưng Yên.

Alŭ wăl tuh tia anei jing sa mta bruă prŏng mơ̆ng čar Hưng Yên, mâo ênhă truh 192 ha, hŏng ênoh duh bi liê hlăm hră mơar jing êbeh 2.300 êklai prăk, dôk hlăm alŭ wăl dŭm kdriêk Ân Thi, Kim Động. Ƀri bi hdơr 77 thŭn hrue mjuăt asei mlei Việt Nam 27/3, Khua bruă kƀĭn ala Vương Đình Huệ lehanăn êpul ngă bruă nao čuă leh anôk bruă mjuăt bi hriăm čưng boh hđeh (PVF). Tinei, ñu mbĭt hŏng êpul čuă dlăng anôk mjuăt bi hriăm, lehanăn mđup brei mnơ̆ng kơ anôk mjuăt bi hriăm, kơ phung nai, phung hriăm mơ̆ng PVF lehanăn êpul phung čưng boh kahan ksiêm Hà Nội.