Ƀri bi hdơr 68 thŭn hrue nai aê mdrao Việt Nam (27/2/1955 - 27/2/2023), tlam mbrue 27/2, Khua bruă kƀĭn ala Vương Đình Huệ nao čuă lehanăn hơêč hmưi mđĭ ai kơ phung nai aê mdrao sang êa drao kahan mrô 108. Bi ala kơ Đảng, knuk kna, Khua bruă kƀĭn ala Vương Đình Huệ bi mni, hơêč hmưi, lehanăn lač jăk kơ êpul phung nai aê mdrao sang êa drao 108 kyua klei duh myơr leh jih ai tiê pô, lehanăn mâo ba wĭt boh tŭ dưn prŏng hlăm wưng leh êgao.

Khua bruă kƀĭn ala Vương Đình Huệ đăo knang lač kơ jih jang klei dleh dlan mơ̆ng dhar bruă mdrao mgŭn knŏng jing bhiâo, lehanăn klei bi hdơr 68 thŭn jing wưng čiăng kợih jang bruă mdrao mgŭn sa ai tiê bi mguôp găn bi dưi klei dleh dlan lehanăn čang hmăng kơ êbeh 500.000 knuă druh nai aê mdrao hlăm djăp čar kwar kluôm ala, hlăm anăn mâo sang êa drao 108, mâo leh phung nai aê mdrao jih ai tiê hur har bi leh jăk bruă kčah jao, dŏng mdrao mnuih ruă./.