Tlam mbruê, ti ƀuôn prŏng phŭn Jakatar, Khua bruă kƀĭn ala Vương Đình Huệ leh anăn phung khua gĭt gai bruă Kƀĭn ala dŭm ala čar hlăm Êpul hgŭm bruă kƀĭn ala Dŭm ala čar ngŏ Dhŭng Asi (AIPA) nao leh hlăm klei kƀĭn êpul khua kiă kriê AIPA. Hlăm klei kƀĭn, Khua bruă kƀĭn ala Vương Đình Huệ leh anăn khua bruă kƀĭn ala dŭm ala čar bi trông leh anăn bi klă hdră ngă bruă mơ̆ng Êpul gơ̆ng prŏng IAPA-44, bruă ngă, hdră êlan klei kƀĭn phung khua êmua mniê IAPA, klei kƀĭn phung khua êmua mda asei AIPA, mmông leh anăn anôk mkŏ mjing klei kƀĭn Êpul gơ̆ng prŏng IAPA – 45.

Hŏng akŏ phŭn “Bruă kƀĭn ala čŏng pô bi djŏ guôp kyua sa ASEAN hơĭt kjăp leh anăn mdrŏng sah”, Klei kƀĭn prŏng IAPA - 44 mâo klei bi mguôp leh anăn djŏ hŏng mta phŭn mbĭt mơ̆ng ASEAN thŭn anei jing “Sa ASEAN hing ang: Mta kñăm kơ klei đĭ kyar”, hlăm anăn mđing kơ bruă bi djŏ guôp mơ̆ng bruă kƀĭn ala ASEAN hlăm wưng alŭ wăl leh anăn tar rŏng lăn mâo lu klei mlih mrâo, mñă ktang klei blŭ hrăm leh anăn ksiêm êmuh, mđĭ klei bi mguôp plah wah dŭm anôk bruă hdră bhiăn, đru bi kjăp klei bi mguôp leh anăn bruă klam jing mta kñăm mơ̆ng ASEAN.