Blŭ hlăm knăm anăn, k’iăng khua bruă kƀĭn ala Trần Thanh Mẫn mñă klă, Êpul mjĕ êrô hŏng ƀuôn sang srăng lŏ dơ̆ng nao giăm, hluê ngă dŭm hdră mtrŭn hlăm klei kƀĭn kluôm bruă Đảng tal 13, dŭm bruă klam dưi jao hlăm hdră ngă bruă mơ̆ng Đảng đoàn Bruă kƀĭn ala hluê ngă hdră mtrŭn klei kƀĭn kluôm tal 13 mơ̆ng Đảng.

Êpul lŏ gĭt gai bi mguôp hŏng dŭm anôk bruă djŏ tuôm mkŏ mjing hdră mơ̆ng Đảng đoàn bruă Kƀĭn ala kơ bruă “Lŏ dơ̆ng mlih mrâo, mđĭ hnơ̆ng tŭ jăk, boh tŭ dưn mơ̆ng bruă mjĕ êrô hŏng ƀuôn sang mơ̆ng Bruă kƀĭn ala”, jêñ jêñ bi klă, ksiêm duah dŭm klei čuăn mơ̆ng Đảng, knŭk kna, boh nik jing dŭm boh klei phung bi ala, mnuih ƀuôn sang uêñ mĭn lu hĭn čiăng bi mklin, hưn bi djŏ, bi kjăp, djŏ hruê mmông. Bi ala kơ khua gĭt gai Đảng, knŭk kna, Khua bruă kƀĭn ala Vương Đình Huệ mđup brei mêđai mă bruă mrô 2 kơ Êpul msĕ êrô hŏng ƀuôn sang.