Bi ala kơ khua gĭt gai Đảng, Knŭk kna, Khua bruă kƀĭn ala Vương Đình Huệ bi mni, čih yap klei tŭ dưn mơ̆ng dŭm gưl knuă druh, lĭng kahan mơ̆ng Phung kahan răng mgang wăl daiê dưi mâo leh hlăm 60 thŭn êgao.

Hŏng klei tŭ dưn kdrưh kơăm leh anăn knhuah gru ktưn hưn hlăm 60 thŭn êgao, Khua bruă kƀĭn ala đăo knang, ti gŭ klei gĭt gai mơ̆ng Đảng, kriê dlăng mơ̆ng Knŭk kna, Bruă Đảng kahan gưl dlông leh anăn Phŭn bruă lĭng kahan, jih jang knuă druh, khua kahan leh anăn lĭng kahan  răng mgang wăl daiê srăng lŏ dơ̆ng gĭr ktưn, hgao klei dleh dlan, lông dlăng, lŏ dơ̆ng mđĭ lar klei tŭ dưi mâo, bi leh bruă  mkŏ mjing leh anăn răng mgang wăl adiê čar kwar./.