Ƀri bi hdơr 93 thŭn Hruê mkŏ mjing Đảng Cộng sản Việt Nam, hlăm ai êwa m’ak drông Têt djuê ana Quý Mão ti anôk bruă Knơ̆ng gĭt gai lĭng kahan čar An Giang, ƀuôn prŏng Châu Đốc, An Giang, Khua bruă kƀĭn ala Vương Đình Huệ nao čhưn, h’êč hmưi Têt, mđup brei mnơ̆ng kơ gŏ sang knŭk kna dlăng ba, gŏ sang ƀun, mnuih djuê ƀiă lehanăn mnuih mă bruă mâo klei hdĭp dleh dlan ti An Giang.

 Thŭn 2023 đăo knăl srăng mâo lu klei dleh, lông dlăng, kyua anăn Khua bruă kƀĭn ala čang hmăng bruă Đảng, bruă sang čư̆ êa, êpul kahan lehanăn mnuih ƀuôn sang An Giang lŏ mđĭ lar knhuah gru ƀuôn sang cách mạng jhŏng ktang, hgŭm mguôp, hgao jih klei dleh, lông dlăng bi leh mta kñăm đĭ kyar. Ti knăm anei, Khua bruă kƀĭn ala lehanăn êpul jao leh 200 hnư mnơ̆ng kơ gŏ sang knŭk kna dlăng ba, gŏ sang ƀun lehanăn mnuih mă bruă mâo klei hdĭp dleh dlan ti An Giang, mđup brei mnơ̆ng Têt kơ phung knuă druh, lĭng kahan čar An Giang./.