Sang maĭ mkra mjing kphê Sơn La mâo ênoh duh 260 êklai prăk, hŏng hnơ̆ng ngă bruă 50.000 bon kphê mtah/thŭn, bi knar 12.500 ton kphê asăr/thŭn. Hŏng klei găl kơ lăn, yan adiê djŏ guôp čiăng mđĭ kyar bruă lŏ hma, kƀĭn sa anôk, hŏng hnơ̆ng prŏng, čar Sơn La mđing mđĭ kyar ana boh kroh, kbâo lehanăn kphê Arabica. Leh 30 thŭn, truh ară anei, čar mâo êbeh 20.000 ha kphê Arabica, truh 41,2% ênhă kphê Arabica kluôm ala, jing čar mâo ênhă pla kphê Arabica prŏng êdi kluôm ala.

K’iăng khua bruă Đảng čar Sơn La Lò Minh Hùng lač, bruă ba yua Sang maĭ mkra mjing kphê Sơn La ti kdriêk Mai Sơn, čar Sơn La, djŏ guôp hŏng hdră êlan mđĭ kyar bruă duh mkra – ala ƀuôn lehanăn hdră jak iêu klei duh bi liê mơ̆ng čar wưng thŭn 2020-2025; jing klei bi mklă kơ bruă ba hdră mtrŭn mơ̆ng Đảng, hdră bhiăn mơ̆ng knŭk kna mŭt hlăm klei hdĭp, dưi čang hmăng srăng ba wĭt boh tŭ dưn kơ phung duh bi liê, msir mghaih klei dleh dlan, gun kpăk hlăm hdră mđĭ kyar kphê mơ̆ng čar./.