Khua bruă kƀĭn ala Vương Đình Huệ mnă klă, Êpul hgŭm Ơrôp jing ƀĭng hgŭm bi mguôp mrô 1 hlăm hdră êlan hŏng tač êngao mơ̆ng Việt Nam. Kyuanăn, Việt Nam hmăng hmưi mtrŭt mđĭ klei mjĕ giăm hŏng EU ăt msĕ hŏng dŭm ala čar hgŭm hlăm êpul, mbĭt anăn yap yuôm bhăn dŭm boh tŭ dưn dưi mâo, yuôm bhăn hlăm klei mjĕ giăm Việt Nam – EU hlăm dŭm kmeh gơ̆ng bruă kđi čar: Bruă hŏng tač êngao, mnia mblei, duh bi liê, bruă lŏ hma, kan hdang, bruă lĭng kahan, bi mguôp duh bi liê đĭ kyar, blŭ hrăm kơ klei dưi êngiê anak mnuih…

Bi kơ mta mkăn, Việt Nam, Bruă kƀĭn ala Việt Nam mâo nanao klei sa ai mđĭ hĭn klei mjĕ giăm bi mguôp hdră êlan ASEAN – EU leh anăn mprăp mâo bruă klam hlăm hdră bruă anei. Khua gĭt gai Dhar bruă hŏng tač êngao Nghị viện Ơrôp brei thâo, klei hriê čuă leh anăn mă bruă ti Việt Nam kñăm mtrŭt mđĭ hĭn klei mjĕ giăm plah wah EU hŏng ASEAN, mbĭt anăn mđĭ hĭn bruă hŏng tač êngao nghị viện.