Hlăm mmông tŭ drông, 2 tĭng yap yuôm bhăn klei bi mguôp plah wah Việt Nam leh anăn Japon hlăm wưng êgao. Klei bi mguôp bruă Kƀĭn ala leh anăn mjĕ êrô mnuih ƀuôn sang mâo bruă klam yuôm bhăn hlăm klei mđĭ kyar klei mjĕ giăm 2 tĭng. Khua bruă kƀĭn ala mñă kơ knŭk kna dua lăn čar bi mguôp čiăng bi êlam hĭn klei mjĕ giăm hlăm wưng mrâo. Dua tĭng bi tŭ ư čiăng mđĭ hĭn klei bi mguôp anak mnuih hŏng anak mnuih, anei jing mta phŭn kmeh gơ̆ng, jing tur knơ̆ng kơ klei bi kjăp, mđĭ klei mjĕ giăm Việt Nam – Japon.

Êngao kơnăn čiăng mđĭ hĭn klei mkŏ knơ̆ng bruă hŏng knơ̆ng bruă, alŭ wăl hŏng alŭ wăl. Bi kơ klei bi mguôp bruă Kƀĭn ala dua lăn čar, Khua bruă kƀĭn ala Vương Đình Huệ mñă kơ Yamaguchi Natsuo lŏ dơ̆ng sa ai hŏng bruă kƀĭn ala Việt Nam leh anăn Japon mđĭ hĭn klei bi trông êpul gưl dlông leh anăn dŭm gưl, plah wah êpul phung khua êmua mda asei, khua êmua mniê, bi lar bruă klam êpul khua êmua bi hgŭm leh anăn êpul hgŭm khua êmua Japon – Việt Nam …