Khua bruă kƀĭn ala Vương Đình Huệ hơêč hmưi kơ dŭm boh tŭ dưn prŏng prĭn, kluôm ênŭm mơ̆ng Đảng, knŭk kna, bruă kƀĭn ala Lào dưi mâo leh hlăm wưng êgao, yap yuôm bhăn akŏ klei hriê čuă mơ̆ng êpul hlăm klei hriê čuă leh anăn mă bruă hlăm gưl anei, anăn jing bruă mkŏ mjing, klei ngă bruă mơ̆ng gưl dlông leh anăn alŭ wăl.

Khua bruă kƀĭn ala Vương Đình Huệ mñă klă, Bruă kƀĭn ala Việt Nam mâo nanao klei mprăp kah mbha klei hriăm hŏng bruă kƀĭn ala Lào leh anăn ăt hmăng hmưi dưi tui hriăm dŭm klei bi hmô jăk, klei hriăm yuôm bhăn mơ̆ng tĭng găp čiăng kơ bruă kƀĭn ala Việt Nam ngă bruă brư̆ hruê ƀrư̆ tŭ dưn hĭn. Hlăm thŭn 2023, Bruă kƀĭn ala Lào srăng kñăm mlih mrâo hdră ngă bruă leh anăn hnơ̆ng tŭ jăk klei ngă bruă, mkŏ mjing hdră plĕ hră hŏng phung khua êmua mơ̆ng bruă kƀĭn ala Lào ruah mă, bi klă hlăm thŭn 2023.