Leh 6 hruê mkrah bi kƀĭn, klei kƀĭn êngao hdră gưl tal 9, Bruă Kƀĭn Ala gưl 15 bi leh dŭm mta phŭn hlăm hdră. Blŭ bi ruê̆ klei kƀĭn, Khua bruă kƀĭn ala Trần Thanh Mẫn mñă klă: Dŭm hdră êlan mâo Bruă Kƀĭn Ala bi klă jing djŏ wưng kčah, klă nik, mâo hdră tă mơ̆ng Đảng, knŭk kna. Gưl kƀĭn anei, Bruă Kƀĭn Ala ksiêm dlăng, bi klă 4 hdră bhiăn, bi klă hdră mtrŭn mgaih msir đa đa boh klei djŏ tuôm hŏng bruă mkŏ dăp phung mă bruă mơ̆ng Bruă Kƀĭn Ala, knŭk kna, bi klă 6 hdră mtrŭn kñăm mtrŭt mđĭ klei đĭ kyar bruă duh mrka ala ƀuôn mơ̆ng lăn čar leh anăn dŭm hdră êlan phŭn hŏng đa đa hdră ala čar kñăm.

Khua bruă kƀĭn ala Trần Thanh Mẫn mñă ktang, anei juing gru kruăk yuôm bhăn hlăm bruă mkŏ mjing hdră bhiăn, mâo boh tŭ dưn yuôm bhăn hlăm bruă mkŏ dăp, bi khuăt phung mă bruă kđi čar leh anăn hmao ruh mgaih klei dleh dlan, kpăk gun kơ klei kiă kriê, hdră êlan, mkŏ mjing klei kdlưn hĭn hlăm bruă mkŏ mkra, bi lar ai dưi, mkŏ mjing wăl đĭ kyar mrâo kơ alŭ wăl leh anăn lăn čar.