Khua bruă kƀĭn ala lač, Bruă kƀĭn ala Việt Nam ƀuăn mjing klei bhiăn kjăp, klă mngač, ba klei găl hlăm klei ngă bruă hŏng phung duh mkra ala tač êngao, hlăm anăn mâo phung duh mkra Mi, lŏ dơ̆ng ngă bruă, lehanăn pŏk mlar hdră êlan mă bruă sui ti Việt Nam.

Bruă kƀĭn ala, lehanăn knŭk kna kăp mđing hmư̆ nanao klei kčĕ đru mơ̆ng phung duh mkra kơ hdră êlan lehanăn klei bhiăn Việt Nam. Khua bruă kƀĭn ala Vương Đình Huệ mtă kơ phung duh mkra lŏ dơ̆ng mă bruă hŏng Việt Nam hlăm klei lŏ dơ̆ng pŏk phai hdră duh bi liê. Đru Việt Nam klei thâo ba yua hdră êlan ngă bruă ênuk mrâo. Lŏ bi mguôp kjăp Việt Nam čiăng mđĭ hĭn klei duh bi liê hlăm dŭm bruă bruă mâo Việt Nam lehanăn Mi mđing tal êlâo lehanăn jing bruă Mi mâo klei găl hĭn./.