Hŏng akŏ “Mtrŭt mđĭ klei mtăp mđơr êkei mniê leh anăn bi lar bruă klam mơ̆ng knuă druh, phung mniê hlăm mđĭ kyar bruă duh mkra ala ƀuôn ti čar Dak Lak”, klei kƀĭn trông mkŏ mjing hlăm ai êwa êngiê, hơ̆k mơak, kpă ênô. Dŭm boh klei djŏ tuôm hŏng hdră êlan čiăng mtrŭt mjhar, đru kơ phung mniê čô̆ kơ bruă mđĭ kyar bruă duh mkra, mkŏ mkra krĭng ƀuôn sang mrâo, klei mtăp mđơr êkei mniê, rơ̆ng hơĭt klei hdĭp yang ƀuôn kơ phung mniê, bruă knuă druh hŏng phung mniê, hdră êlan răng mgang klei êđăp ênang kơ phung mniê leh anăn phung hđeh…mâo phung bi ala uêñ mĭn mâo klei êmuh.

Bi ala dŭm knơ̆ng, dhar bruă, êpul bruă bi trông, kah mbha, hlăk mblang klă anăp. H’Yim Kđoh, k’iăng khua bruă sang čư̆ êa čar bi klă, hŏng dŭm mta phŭn phung bi ala bi êdah jing klei mrâo, klă klơ̆ng, bi êdah klei uêñ mĭn mơ̆ng phung mniê hŏng dŭm mta bruă hlăm klei hdĭp, bruă kđi čar, yang ƀuôn. Hluê anăn bi klă kơhưm, bruă klam mơ̆ng phung mniê hlăm dŭm klei ngă bruă.