Hlue si klei hưn, giăm 2 thŭn mơ̆ng wưng 2021-2026, Êpul gơ̆ng hlak mblang gưl dlông bi leh jăk dŭm bruă ngă dưi jao jing êdah êdi: Hgŭm mkŏ mjing pŏk ngă, hmao bi klă klơ̆ng dŭm hră mơar, Hdră mtrŭn Klei bi kƀĭn tal 13 mơ̆ng Đảng čiăng đru mguôp hnưm hlăm bruă ba hdră êlan, hdră mtrŭn mơ̆ng Đảng hlăm klei hdĭp.

Blŭ hrăm gĭt gai hlăm mmông mă bruă, khua dhar bruă Đảng Võ Văn Thưởng mtă, hlăm wưng kơ anăp, Êpul gơ̆ng bruă ƀuôn sang hlak mblang gưl dlông brei kƀĭn hlue ngă dŭm bruă phŭn, hlăm anăn mđĭ hnơ̆ng jăk hĭn dŭm klei hâo hưn mơ̆ng Êpul gơ̆ng bruă ƀuôn sang leh anăn kƀĭn mđĭ lar klei mĭn phung kreh knhâo, ksiêm hriăm hlăm kluôm ala, mtă kơ adŭ bruă Đảng gưl dlông leh anăn dŭm phŭn, dhar bruă djŏ tuôm bi hgŭm, čiăng kơ Êpul gơ̆ng Hlak mblang gưl dlông bi leh jăk bruă klam dưi jao.