Blŭ hlăm mmông mă bruă, Nguyễn Trọng Nghĩa mñă klă, hlăm kluôm bruă cách mạng, dhar kreh mâo nanao Đảng uêñ mĭn. Boh nik mơ̆ng akŏ wưng păn bruă klei kƀĭn kluôm tal 13 truh kơ ară anei, dhar kreh lŏ mâo klei uêñ mĭn hĭn. Dŭm klei blŭ bi trông hlăm klei kƀĭn bi klă boh tŭ mkrah wưng păn bruă hluê ngă hdră mtrŭn klei kƀĭn kluôm tal 13 mơ̆ng Đảng.

Hlăm anăn mta kñăm jing boh klei dhar kreh anak mnuih hluê si klei kƀĭn kluôm tal 13 leh anăn dŭm hdră mtrŭn mơ̆ng gưl dlông. Hlăm wưng kơ anăp, Phŭn bruă dhar kreh, mjuăt asei mlei leh anăn hiu čhưn ênguê lŏ dơ̆ng ksiêm dlăng êlam, mđĭ klei thâo săng kơ dhar kreh hluê si hdră mtrŭt klei kƀĭn kluôm bruă Đảng tal 13, mđĭ kyar dhar kreh hluê si klei mĭn leh anăn Đảng ba mdah leh, mđing nanao kơ klei kluôm, bi kna, hlăm anăn anak mnuih jing mta kñăm, êpul phung kdŏ mmuñ mâo bruă klam yuôm bhăn.