Khua gĭt gai Đảng, Khua lăn čar Lào Thongloun Sisoulith bi mklă bruă Lương Cường dưi ruah ngă Khua lăn čar bi êdah klei đăo knang leh anăn bi mni mơ̆ng Đảng, Knŭk kna leh anăn mnuih ƀuôn sang Việt Nam; đăo knang Lương Cường hŏng phung khua gĭt gai Đảng, Knŭk kna srăng gĭt gai lăn čar leh anăn mnuih ƀuôn sang Việt Nam  lŏ dơ̆ng mâo lu boh tŭ dưn mrâo, prŏng prĭn hĭn hlăm bruă mlih mrâo.

Khua gĭt gai Đảng, Khua lăn čar Lào čang hmăng bi hgŭm kjăp hŏng Khua lăn čar Lương Cường kñăm lŏ dơ̆ng đru ksŭl mbŭ klei bi hgŭm jăk siam, bi hgŭm yuôm bhăn leh anăn bi hgŭm kluôm, mâo mơ̆ng đưm plah wah dua Đảng, Knŭk kna leh anăn mnuih ƀuôn sang dua ala čar ƀrư̆ đĭ kyar leh anăn mâo boh tŭ dưn, ba klei tŭ kơ mnuih ƀuôn sang ăt msĕ mơh klei êđăp ênang, hơĭt kjăp leh anăn bi hgŭm kyua klei đĭ kyar ti krĭng wăl leh anăn dlông rŏng lăn.