Hlăm mmông bi tuôm, Khua gĭt gai Đảng, Khua lăn čar Tô Lâm bi êdah klei mgei ai tiê êjai dưi bi tuôm hŏng phung lĭng kahan hđăp mkŏ mjing hƀuê ênuk, phung bi klă kơ hƀuê ênuk hlăm dŭm wưng mdê mdê mơ̆ng Sư Đoàn 308.

Khua gĭt gai Đảng, Khua lăn čar Tô Lâm mñă kơ phung lĭng kahan hđăp Sư Đoàn 308 rơ̆ng jăp nanao knhuah hdĭp lĭng kahan Awa Hồ, lŏ dơ̆ng bi lar knhuah gru anôk bruă lĭng kahan jhŏng ktang, nao êlâo, bi hmô hluê ngă dŭm hdră êlan mơ̆ng Đảng, knŭk kna, jing gru mngač kơ anak čô, hur har nao hgŭm mkŏ mjing êpul lĭng kahan knhăk, khuăt, ktang, thơ̆ng kơ bruă, mrâo mrang, bi mguôp mgaih msir djăp klei dleh dlan, bi đru hdơ̆ng pô, hŏng ai tiê lĭng kahan hđăp bi đru bi hrŏ ƀun, thâo ngă bruă duh mkra, đru mđĭ kyar bruă duh mkra ala ƀuôn mơ̆ng alŭ wăl.