Hruê mbruê 13/4, Êpul khua bruă Đảng gưl dlông mkŏ mjing klei kƀĭn kluô ala ksiêm duah, hluê hriăm, hyuă kjăp leh anăn ngă hdră mtrŭn klei kƀĭn trông tal 2 Êpul khua bruă Đảng gưl dlông gưl 14. Blŭ hrăm gĭt gai klei bi kƀĭn, Khua gĭt gai Đảng, Khua Lăn čar Tô Lâm lač klă klei mĭn, klei čuăn mâo leh klei kƀĭn trông tal anei jing pai mă kjăp, mkŏ mjing hluê ngă hŏng klei ktang phĭt, hrăm mbĭt, tŭ dưn, mkŏ mjing klei mlih klă hlăm kluôm bruă kđi čar.

Khua gĭt gai Đảng, Khua Lăn čar Tô Lâm mñă brei ktang phĭt msir klei mĭn bruă Knŭk kna, phŭn dhar bruă, wưng păn bruă hlăm klei čuăl mkă đĭ kyar, grăp blư̆ čuăl mkă đĭ kyar alŭ wăl, čuăl mkă srăng dưi ngă hŏng hdră kluôm, nao mbĭt hŏng mkŏ krĭng. Hlăm klei čuăl mkă srăng kñăm kơ klei čuăl mkă pui kmlă, mjưh mdei klei duh bi liê tiŏ êran, hluê klei čiăng hjăn păn, hluê hdră akâo - brei, hluê wưng păn bruă, khă bi mâo. Grăp hdră dưi ngă srăng čuăl mkă kluôm, dưi ksiêm dlăng hŏng klei klă nik, djŏ hdră bhiăn.