Klei hưn mdah brei ƀuh, khădah mâo hnơ̆ng đĭ kyar GRDP 7,47, hnơ̆ng klei blei mnia hrŏ êbeh 20% mkă hŏng wưng anei thŭn dih, kluôm hnơ̆ng čih hliê mnơ̆ng dhơ̆ng leh anăn hnư hrui wĭt ăt đĭ, ƀiădah ka djăp hŏng hdră kčah. Lu anôk kpăk lŏ mâo msĕ si klei msir dŭm hdră ngăn prăk adôk êmưt, boh nik hlăm bruă pui kmlă doh, brei čan duh bi liê bruă Knŭk kna knŏng mâo mă êbeh 5%, ênoh knơ̆ng bruă kruh rai đĭ êbeh 110%.

Blŭ hrăm hlăm klei kƀĭn, khua Bruă sang čư̆ êa čar Lâm Đồng Hồ Văn Mười mñă ktang klei bi mguôp ka tŭ dưn plah wah dŭm anôk bruă, anôk mâo klei mlpĕ kơ pô anei, dlăm kơ pô dih hră mơar ngă dleh kơ knơ̆ng bruă. Čar mñă kơ dŭm knơ̆ng, dhar bruă, alŭ wăl mđĭ bruă klam pô ba anăp, mtrŭt mđĭ klei mlih mrâo hră mơar Knŭk kna, bi mlih mrô, msir jih hnơ̆ng  klei kpăk kơ êbeh 300 hdră adôk.