Leh knăm drông, Khua knŭk kna Lê Minh Hưng lehanăn khua knŭk kna  Slovakia Robert Fico djă akŏ êpul khua êmua gưl dlông dua ala čar ngă klei bi trông. Khua knŭk kna Lê Minh Hưng lač, Việt Nam srăng bi myuôm lehanăn hyuă kjăp hĭn klei bi hgŭm hŏng Slovakia – sa hlăm dŭm ala čar tal êlâo hŏng Việt Nam ti krĭng krah ngŏ Ơrôp, ƀrư̆ hrue mtrŭn agha kjăp hĭn.

Mơ̆ng klei anăn, dua nah bi trông klă mngač hĭn kơ boh klei dlông rŏng lăn, boh klei hlăm alŭ wăl lehanăn dŭm knhuang hlăm klei bi hgŭm dua ala čar, boh nik hyuă kjăp hĭn hdră êlan kluôm, bi đru mghaih msir dŭm mta klei amâo mâo jăk hlăm alŭ wăl lehanăn dlông rŏng lăn, anăp truh kơ klei mđĭ kyar kjăp kyua klei tŭ dưn kơ mdê bi ala čar hlăm klei êđăp ênang, kyua klei hnŭk ênang, hơĭt kjăp ti alŭ wăl lehanăn tar rŏng lăn./.