Hlăm knăm mjưh ruê̆, Anôk mkŏ mjing bi mni kơ phung čih mkra leh anăn mđup brei 24 klei pah mni êa mah; 37 klei pah mni êa prăk, 71 klei pah mni êa kông; 60 klei pah mni mđĭ ai kơ dŭm klei čih hlăm dŭm mta: Hdră mđung asăp ti mmông anăn mtam, klei čih, klei čih ksiêm dlăng, hdră mđung asăp blŭ djuê ƀiă; podcast…

Hlăm anăn, lu klei čih bi êdah klei thâo ƀuh; hdră ngă mrâo mrang mâo phung čih mkra, dŭm Hră klei mrâo leh anăn mđung asăp mđung rup čar, ƀuôn prŏng mkŏ mjing jăk, mbruă, mâo klei thâo lu leh anăn mjing klei lar bra ala ƀuôn jăk snăk. Êngao anăn, Anôk mkŏ mjing ăt mđup brei 29 klei pah mni mkăn, mâo: Klei pah mni kơ pô yăl dliê (host) êdah êdi; Klei pah mni kơ pô gai hdră ti mmông anăn mtam êdah êdi; Klei pah mni kơ Êkip mkra mjing hdră mđung asăp ti mmông anăn mtam êdah êdi; Hdră pô răk êdah êdi, Pô mkra hdră êdah êdi. Nao hlăm klei bi lông tal anei, VOV Lăn Dap Kngư mâo 1 Klei pah mni êa mah; 1 Klei pah mni êa prăk leh anăn 1 klei pah mni mđĭ ai.