Hlăm mmông mă bruă, Khua gĭt gai Đảng Tô Lâm mtă, Bruă Đảng bruă mặt trận čar kwar Việt Nam, dŭm êpul hgŭm gưl dlông, Êpul Khua Knơ̆ng bruă mặt trận čar kwar Việt Nam hŏng dŭm êpul bruă hgŭm lŏ dơ̆ng mđĭ lar bruă klam kđi čar, mđĭ bruă hâo hưn mtô mblang, bi kƀĭn, mtrŭt mjhar dŭm gưl mnuih ƀuôn sang hlăm ala čar leh anăn mnuih Việt Nam ti ala tač êngao.

Iêô mkrum jih klei găl, kơrŭ wĭt klei ktang mbruă mơ̆ng grăp čô mnuih ƀuôn sang, hrăm mbĭt sa ai ktang ngă tŭ dưn “4 hdră mtrŭn phŭn” mơ̆ng Phŭn bruă kđi čar (Hdră mtrŭn 57, 59, 66, 68). Mđĭ ai phung knuă druh, phung mă bruă leh anăn dŭm gưl mnuih ƀuôn sang sa ai, đru mguôp hlue ngă tŭ dưn bruă mkŏ dăp pul mă bruă mơ̆ng Gưl dlông truh kơ nah gŭ bi khuăt, ktang, tŭ dưn, bi mlih mơ̆ng bruă kriê dlăng jing mbruă đĭ kyar, duh kơ anôk bruă duh mkra leh anăn mnuih ƀuôn sang, mă anôk bruă duh mkra jing phŭn, mnuih ƀuôn sang jing phŭn