
Hlăm 8 hrue, mbĭt hŏng êbeh 80 mta bruă mă, Khua gĭt gai Đảng Tô Lâm mâo leh klei bi blŭ hrăm hŏng phung khua kiă kriê dŭm ala čar, bi tuôm lehanăn trông čhai hŏng dŭm đảng, êpul êya lehanăn phung duh mkra, nao čuă dŭm anôk bruă duh mkra, dhar kreh, bi tuôm hŏng lu mnuih Việt Nam ti dŭm ala čar anăn.

Khua gĭt gai Đảng nao hlăm knăm bi hdơr 80 thŭn hrue mblah dưi klei bi blah răng mgang ala čar ti Rusia lehanăn ti Kazakhstan, mơ̆ng anăn bi êdah klei thâo mpŭ mơ̆ng Việt Nam hŏng dŭm klei săn asei mlei, klei luič liê prŏng prĭn mơ̆ng dŭm ala čar hlăm Liên Xô êlâo dih bi kdơ̆ng hŏng phung phát xít, mjưh mdei klei bi blah tar rŏng lăn lehanăn čhuang hlăm hla pŏk mrâo mơ̆ng hbuê ênuk kơ bruă cách mạng lehanăn sua wĭt klei êngiê kơ djuê ana hlăm tar rŏng lăn, hlăm anăn mâo Việt Nam. Dŭm boh tŭ dưn leh mâo mơ̆ng klei hiu čhưn anei jing yuôm bhăn snăk, mjing boh kdrŭt kơ Việt Nam lehanăn dŭm ala čar lŏ dơ̆ng čuê, dưn yua klei thâo bi mguôp, đru kơ klei mđĭ kyar lăn čar, kyua klei tŭ dưn kơ mnuih ƀuôn sang, kyua kơ klei êđăp ênang, hgŭm mbĭt, mđĭ kyar hlăm alŭ wăl lehanăn tar rŏng lăn./.
Viết bình luận