Tbi ala kơ phung khua kiă kriê Đảng knŭk kna, mđup brei leh mêđai mă bruă mrô 1 kơ Anôk bruă Đảng, bruă sang čư̆ êa, lehanăn mnuih ƀuôn sang wăl krah Phước Long, Khua gĭt gai Đảng Tô Lâm bi êdah klei hdơr knga kơ phung djiê êngiă lăn asei mlei, kơ mnuih ƀuôn sang lehanăn lĭng kahan nao leh hlăm klei bi blah sua mă klei êngiê kơ krĭng lăn knap mñai bŏng klei jhŏng ktang anei, čiăng sua wĭt klei êngiê, lehanăn mhluh lir lăn čar.

Khua gĭt gai Đảng bi mni kơ čar Bình Phước mâo leh lu klei tŭ dưn dăl hlăm 50 thŭn êgao. Mơ̆ng sa alŭ wăl dleh dlan knap mñai, mnuih ƀuôn sang dôk hlăm klei ƀun ƀin, Bình Phước ară anei mâo leh klei bi mlih mjing leh anôk mtrŭt mđĭ klei duh mkra prŏng hlăm alŭ wăl. Khua gĭt gai Đảng mtă alŭ wăl lŏ dơ̆ng mâo hdră êlan kjăo, klei mĭn djŏ, lehanăn ai ktang mơ̆ng klei thâo bi mguôp jih jang djuê ana tui tiŏ hdră êlan mđĭ kyar, nao hlăm klei duh mkra mnia mblei mrâo, dưn yua jăk jih jang klei găl mơ̆ng alŭ wăl, ngă klei bi mlih mrô, mđĭ kyar bruă mkra êlan klông mkŏ hŏng djăp krĭng, mjing bruă knuă mă, lehanăn mđĭ ênoh mâo ba wĭt kơ knŭk kna, lehanăn mđĭ kyar klei hdĭp mnuih ƀuôn sang./.