
Ti Anôk bruă ngă hră mơar knŭk kna mơ̆ng dua êpul êya, Khua gĭt gai Đảng ksiêm dlăng leh bruă mkŏ dăp anôk bruă, kdrăp mnơ̆ng, mnuih mă bruă lehanăn hdră ktrâo lač klei ngă hră mơar kơ mnuih ƀuôn sang, srăng ba yua anôk bruă mrâo mơ̆ng hruê 1/7/2025.

Khua gĭt gai Đảng sŭk suôr nao čuă êmuh phung knuă druh, mnuih mă bruă lehanăn mtă brei mđĭ lar ai tiê đua klam, rơ̆ng anôk bruă mrâo ngă bruă tŭ dưn mơ̆ng hruê tal êlâo mtam. Mñă klă bruă mkăp kơ mnuih ƀuôn sang jing phŭn, Khua gĭt gai Đảng mtă kơ bruă knŭk kna alŭ wăl mjêč bi hơĭt hdră mkŏ mjing, ksiêm dlăng kjăp hdră răng mgang klei êđăp ênang, amâo lui bluh mâo klei mjêč. Mbĭt anăn, bi mklă hdră mkŏ mkra Đảng jing bruă klam phŭn lehanăn mprăp ênŭm kơ Klei bi kƀĭn bruă Đảng dŭm gưl hlăm wưng ti anăp./.
Viết bình luận