Khua gĭt gai Đảng Nguyễn Phú Trọng bi mni kơ Khua bruă kƀĭn ala Cuba bi ala kơ khua gĭt gai Đảng, knŭk kna Cuba, hriê hgŭm hlăm knăm bi hdơr tal anei, bi êdah klei mpŭ mơ̆ng Đảng, knŭk kna Cuba hŏng klei mjĕ giăm, bi hgŭm hŏng Việt Nam – Cuba.

Khua gĭt gai Đảng mnă klă Việt Nam dlăng yuôm bhăn, kriê pioh leh anăn gĭt jih ai bi êlam klei bi mguôp knhuah gru leh anăn kluôm dhuôm Việt Nam – Cuba leh anăn klei mĭn bi mguôp, sa ai hŏng Cuba, amâo mâo tŭ ư leh anăn iêo mthưr mjưh mdei klei kăm mkhư̆, kwang dar Cuba. Dua čô khua gĭt gai tŭ ư srăng bi kjăp tur knơ̆ng bruă kđi čar plah wah 2 Đảng, jing hdră tă kơ klei đĭ kyar klei mjĕ giăm plah wah 2 ala čar, mñă kơ dŭm phŭn, dhar bruă, êpul êya leh anăn alŭ wăl 2 ala čar bi mguôp kjăp, hluê ngă bruă dŭm klei kuôl kă gưl dlông, klei kuôl kă leh bi klă čiăng mkŏ mjing klei đĭ kyar mrâo hlăm klei bi mguôp bruă duh mkra mnia mblei, duh bi liê, bruă lŏ hma, mtô mjuăt bi hriăm, kdrăp mrâo sinh học leh anăn bruă mdrao mgŭn…