Ti anôk drông anăn, Khua gĭt gai Đảng Nguyễn Phú Trọng mñă, dua nah lŏ dơ̆ng hgŭm kjăp, mđĭ klei tŭ dưn hgŭm bruă dua nah kjăp hĭn, hlăm anăn mđing kơ dŭm klei bi čuă êrô, bi tuôm gưl dlông kñăm mđĭ hĭn klei bi thâo săng hdơ̆ng găp, bi trông kơ dŭm hdră êlan mă bruă lehanăn lŏ tă hdră êlan prŏng pioh mđĭ kyar dua nah, bi hgŭm dŭm phŭn dhar bruă, lehanăn alŭ wăl dua ala čar.

Khua bruă kƀĭn ala Dhŭng Korea čang hmăng kơ dua nah lŏ păn kjăp boh tŭ dưn leh mâo hlăm bruă kđi čar, duh mkra, dhar kreh, lehanăn bi mguôp phung ƀuôn sang, lehanăn bruă lĭng kahan bi mklă Dhŭng Korea dlăn yuôm bruă klam mơ̆ng Việt Nam hŏng djăp hdră êlan bi hgŭm hlăm alŭ wăl, hlăm anăn mâo hdră êlan bi mguôp Dhŭng Korea – ASEAN./.