Hlăm mmông tŭ drông, Khua gĭt gai Đảng Nguyễn Phú Trọng mnă klă, Việt Nam dlăng yuôm bhăn klei sa ai, klei đru, klei khăp mơ̆ng mnuih ƀuôn sang Liên Xô leh anăn Russia brei leh kơ Việt Nam hlăm dŭm thŭn mlan bi blah ăt msĕ hŏng bruă mkŏ mjing leh anăn răng mgang lăn čar êdei anei, mñă klă klei mpŭ kơ klei mjĕ giăm knhuah gru, ƀĭng hgŭm bi mguôp hdră êlan kluôm dhuôm hŏng Russia.

Đảng Cộng sản Việt Nam dlăng yuôm bhăn bruă mđĭ kyar klei mjĕ giăm hŏng dŭm Đảng ti Russia. Khua gĭt gai Đảng Nguyễn Phú Trọng lač klă đa đa hdră êlan kñăm mtrŭt mđĭ klei mjĕ giăm Việt Nam – Russia hlăm wưng ti anăp. Khua Hạ viện Russia mñă klă, Russia dlăng kơ bi Việt Nam jing ƀĭng hgŭm mrô 1, djŏ tuôm hŏng dŭm hdră êlan hŏng tač êngao mơ̆ng pô ti krĭng Asi – Pacific.