Khua gĭt gai Đảng Nguyễn Phú Trọng mñă klă gưl hriê čuă anei jing gru kruăk knăl yuôm bhăn, bi êdah klei mjĕ giăm knhuah gru leh anăn klei hmăng hmưi mbĭt mơ̆ng dua lăn čar jing mtrŭt mđĭ klei mjĕ giăm mđĭ kyar kluôm êlam hĭn kyua boh tŭ kơ 2 djuê ana, kyua klei êđăp ênang, bi hgŭm leh anăn mđĭ kyar hlăm alŭ wăl leh anăn tar rŏng lăn.

Khua gĭt gai Đảng Nguyễn Phú Trọng mñă klă, Việt Nam dlăng yuôm bhăn bruă mđĭ kyar leh anăn bi kjăp klei mjĕ giăm hŏng dŭm ala čar mah jiăng, hlăm anăn mâo klei mjĕ giăm hŏng Kazakhstan. Khua gĭt gai Đảng Nguyễn Phú Trọng bi trông hŏng Khua mil čhil Kassym-Jomart Tokayev kơ dŭm hdră tă, bruă klam prŏng kñăm mtrŭt mđĭ klei mjĕ giăm plah wah 2 lăn čar đĭ ti hnơ̆ng mrâo, mđĭ klei bi mguôp kluôm dhuôm kyua boh tŭ dưn mnuih ƀuôn sang 2 lăn čar, đru mguôp kơ klei êđăp ênang, hơĭt kjăp leh anăn mdrŏng sah mơ̆ng alŭ wăl leh anăn tar rŏng lăn.