Ti knăm anei, Khua gĭt gai Đảng Nguyễn Phú Trọng bi êdah klei m’ak leh Khua knŭk kna Lý Hiển Long lehanăn Êpul bi ala gưl dlông Singapore hriê čhưn ti Việt Nam djŏ hŏng wưng dua ala čar bi hdơr 50 thŭn hruê mkŏ mjing klei bi mjĕ lehanăn 10 thŭn hruê mkŏ mjing klei bi mjĕ Ƀĭng hgŭm phŭn. Khua gĭt gai ăt bi êdah klei m’ak kơ hdră đĭ kyar mơ̆ng klei bi mjĕ dua ala čar, mñă klă klei mpŭ kơ klei bi mjĕ hŏng Singapore jing ala čar jĕ giăm yuôm bhăn ti krĭng lehanăn tar rŏng lăn.

Khua knŭk kna Lý Hiển Long hưn mthâo leh hŏng Khua gĭt gai kơ boh tŭ hdră bi trông hŏng Khua knŭk kna Phạm Minh Chính lehanăn phung khua kiă kriê Việt Nam, tŭ ư hŏng klei ba mdah mơ̆ng Khua gĭt gai Đảng Nguyễn Phú Trọng kơ hdră bi hgŭm, dlăng anei jing hdră êlan phŭn hlăm klei bi hgŭm dua tĭng hlăm wưng ti anăp.

Ăt hlăm hruê 28/8, ti Adŭ bruă Khua lăn čar, Khua lăn čar Võ Văn Thưởng drông leh Khua knŭk kna Singapore Lý Hiển Long. Dua khua kiă kriê bi êdah klei ư ai anăp hdră đĭ kyar hŏng lu boh tŭ klă sĭt hlăm klei bi mjĕ dăl hlăm 50 thŭn êgao, boh bik hdră bi hgŭm bruă duh mkra, răng mgang klei êđăp ênang, bruă mjuăt bi hriăm./.